ஆண்குறி வழிபாட்டில் இந்தியாவுக்கு, இந்துமதத்திற்கு எதிரான வாதம் ஏன்?

ஆண்குறி வழிபாட்டில் இந்தியாவுக்கு, இந்துமதத்திற்கு எதிரான வாதம் ஏன்?

ஜைனர்கள் மற்றும் பௌத்தர்கள் அடையாளம் காணுவதில் சிக்கல்: ஜைனர்களை விட, பௌத்தர்களின் தாக்கத்திற்கு, எகிப்து மற்றும் ஐரோப்பா வரை அகழ்வாய்வு சான்றுகள் பல கிடைத்துள்ளன. லக்ஸாரில் ஒரு புத்தரின் சிலை காணப்படுகிறது. அதாவது, அதன் தேதி 1600 BCE காலத்திற்கு செல்கிறது. அதேபோல ஐரோப்பாவில், பல இடங்களில் பௌத்த சிற்பங்கள் கிடைத்துள்ளன[1]. வடமேற்கு இந்தியாவில், சிந்து முதல் எகிப்து வரை பௌத்த விஹாரங்கள், சிற்பங்கள் இருந்ததற்கான ஆதாரங்கள் உள்ளன. ஆனால், கிரேக்கர்களின் நாகரிகம், கலாச்சாரம் முதலியவற்றை வைத்துப் பார்க்கும் போது, பௌத்த தாக்கம் காணப்படவில்லை, மாறாக, ஜைனர்களின் தாக்கம் காணப்படுகிறது. ஜைனமுனிவர்கள் இன்றளவும், திகம்பரத்தைப் பின்பற்றி வருகின்றனர். ஜைன சிற்பங்கள், குறிப்பாக தீர்த்தங்கரர்களின் சிலைகள் நிர்வாணமாகவே காணப்படுகின்றன. ஆனல், ஜைனர்கள் அவற்றை பூஜித்து வருகின்றனர்.

அலெக்சாந்தருடன் வாதிட்ட நிர்வாண சந்நியாசிகள் யார்?: அலெக்சாந்தர் சில நிர்வாண சாமியார்களை (Gymnophists) சந்தித்து, அவர்களை வலுக்கட்டாயமாக தூக்கிச் சென்று விட்டான் என்று சில கதைகள் கூறுகின்றன. “அலெக்ஸ்சாந்தர் ரோமேன்ஸ்” [Alexander Romance] என்ற சரித்திர ஆதாரம் இல்லாத கட்டுக்கதைகள் ஆதாரமான உள்ள புனைந்த கதைகளை வைத்து அத்தகைய வாதங்கள் செய்யப் பட்டன. அந்த நிர்வாண சாமியார்கள் யார் என்று குழப்பம் இருக்கிறது. அவர்கள் “பிராமணர்கள்” என்றும் சொல்லும் ஆராய்ச்சியாளர்களும் உள்ளனர்[2]. ஆனால், ஜைன, யூத, கிருத்துவ சிற்பங்களில் உள்ள நிர்வாணம் அவர்களை உண்மையறிய வைத்துள்ளது[3]. முன்பு நிர்வாண சிற்பங்கள், பாலியல் ரீதியிலான சித்திரங்கள்-சிலைகள் முதலியவற்றை உருவாக்கி விட்டு, பிறகு ஒரு நிலையில் எதிர்க்க வேண்டிய அவசியம் என்ன என்று யோசிக்கத் தக்கது. அவர்களிடையேயும் நிர்வாணத்தைப் பற்றிய வாத-விவாதங்கள் ஏற்பட்டுள்ளன[4].

ஞாஸ்டிக், எஸ்ஸென், வெள்ளையுடை உடுத்திய பிரம்மச்சாரி குழுக்கள்: வெள்ளையுடை அணிந்தவர்களும் பல தத்துவ-ஞானக் குழுக்களுடன் ஒப்பிடப்பட்டார்கள். ஞானத்தையே தேடும், விரும்பும் அவர்கள் எல்லாவற்றையும் துறந்தவர்கள், பிரம்மச்சரியத்தைக் கடைப்பிடுப்பவர்கள், தாவிர உணவையே  உட்கொள்பவர்கள் என்று அடையாளம் காணப்பட்டனர். இதன்படி, ஞான், ஞானம், ஞானி, ஞானத்துவம் [Gnostikos, gnosis, Gnostics, Gnosticism] என்றெல்லாம் சிலகுழுக்கள் அடையாளம் காணப்பட்டன. தவிர, எஸ்ஸென் என்ற குழுவும் [Essenes] அத்தகைய குணாதைசயங்கள் கொண்டுள்ளது அறியப்பட்டது. இவர்கள் எல்லோரும் வெள்ளையாடைகள் உடுத்தினர் என்றும் விவரிக்கப்பட்டது. ஆகவே, இவர்கள் எல்லாம், “ஸ்வேதம்பரர்” வெள்ளையாடை உடுத்திய குழுக்கள் என்று சொல்லலாம். அதாவது, ஜைனர்களைப் போன்றவர்கள், ஆனால், திகம்பர-நிர்வாண சந்நியாசிகளுடன் மாறுபட்டவர்கள்.

இடைக்காலத்திலும் பழைய நம்பிக்கைகள் தொடர்ந்தது: இடைக்கால கத்தோலிக்கக் கிருத்துவ வழிப்பாட்டில் ஆண்-பெண் உறுப்பு வழிப்பாடு அதிகமாகவே இருந்தது. நெதர்லாந்து பகுதிகளில் கிடைத்த, உலோக பொருட்கள், இதனை எடுத்துக் காட்டுகிறது. இரு கால்களுக்கிடையே ஆண்குறி, பெண்குறியை மூன்று ஆண்குறி மனிதர்கள் தூக்கிச் செல்வது, ஒரு பெண் பெரிய ஆண்குறியைத் தள்ளிச் செல்வது போன்றவை அவற்றில் சித்தரிக்கப் பட்டுள்ளன. இவையெல்லாம் பதக்கம் போன்று நகைகளுடன் கழுத்தில் அணியப்பட்டன. பொதுவாக குழந்தை பாக்கியம் வேண்டும், பெண்களுக்கு பாதுகாப்பு வேண்டும், தீய சக்திகளிடமிருந்து பாதுகாப்பு வேண்டும், போன்ற நோக்கில் அவை அணியப்பட்டன. பிரபலமாக இருந்ததால், அவை உற்பத்தி செய்யப் பட்டு மக்களிடையே விற்கப்பட்டதும் தெரிகிறது. மக்கள் இவற்றை அதிகமாகவே உபயோகப்படுத்தி வந்தது தெரிகிறது[5]. மேரி, அகதா, பார்பரா [Mary, Agatha and Barbara] போன்ற தேவதைகளை வணங்கி வந்தாலும், இவற்றையும் மதித்துப் போற்றி வந்தனர்[6].  இவையெல்லாம், 13-14ம் நூற்றாண்டுகளில் கிருத்துவம் இன்னும் மக்களிடம் முழுவதுமாக பிரபலமாகவில்லை என்றதைத்தான் காட்டுகிறது. மேலும், கிருத்துவம் அறிமுகப்படுத்தப் பட்டாலும், முந்தைய மதநம்பிக்கைகளில் மக்கள் ஈடுபாடு கொண்டிருந்தார்கள் என்பதனையும் எடுத்துக் காட்டுகிறது. அத்தகைய ஈடுபாடு அவர்களின் மீது திணிப்பதால் உண்டானதல்ல, ஆனால், பல்லாயிரக்கணக்கான வருடங்களாகப் பின்பற்றிவந்த நம்பிக்கைகளின் மீது ஆதாரமக இருந்தது என்பதும் அறியக்கூடியதாக உள்ளது.

நவீனத்துவ வாத-விவாதங்கள்-விளக்கங்கள்: நிர்வாணம் இறப்பிலிருந்து இறக்கும் வரை உள்ள மனிதனின் நிதர்சனம் ஆகும். விஞ்ஞான ரீதியில், மனித தோற்றத்தை விளக்கும் முறைகளில் மனிதனை நிர்வாணமாகவே காட்டப்படுகிறான். பாம்பைப் பார்த்து ஆதாம்-ஏவாள் பயந்து, இலை-தழைகளை வைத்து தங்களது உறுப்புகளை மறைத்துக் கொண்டனர் போன்ற கதைகளை நம்பும், அறிவுஜீவிகள் கூட, பிறகு தான், நிர்வாணம் ஒவ்வாதது என்று வாதிக்க ஆரம்பித்தனர். ஆனால், வேறு இடங்களில், மறுபடியும் போற்ற செய்தனர். நடிகைகளின் நிர்வாணத்தை ரசிக்கும் அந்த வகையறாக்கள், இன்றும் ஜைனமுனிவர்களின் நிர்வாணத்தைக் கொச்சைப்படுத்துகின்றன. ஆனால், சாமிக்கு டிரஸ் கோட் உண்டா என்றும் கேட்கின்றன. அதாவது, அவர்களது முரண்பாட்டை அதிலே எளிதாகக் கண்டு கொள்ளலாம். ஒருநிலை இல்லாத, மாறி-மாறி விதண்டாவாதம் செய்வதால் தான், அவர்களின் நிலைப்பாடு உறுதியாக இல்லை. எந்த நிர்வாணத்தை ஆதரிப்பது-எதிர்ப்பது என்று தெரியாத நிலையில் உள்ளார்காள். போதாகுறைக்கு, எழுதுவதில், பேசுவதில், ஆராய்ச்சி செய்வதில், தேவையானது-அதாவது அவர்களின் வாதத்திற்கு ஆதரவாக உள்ளது என்றால் எடுத்துக் கொள்வது, அதே நேரத்தில், பாதகமாக இருக்கிறது என்றால் மறைத்து விடுவது போன்ற பாரபட்சம் மிக்க போக்கும் இருப்பதால், உண்மைக்கு வராமல் வாதித்துக் கொண்டே இருப்பர். செக்யூலரிஸம் என்றாலும், ஒருபக்கம் சாய்வர், அதாவது, இந்துமதத்தை எதிர்ப்பர்.

மேற்கண்ட குறிப்புகளிலிருந்து, கீழ்கண்ட முடிவுகள் பெறப்படுகின்றது:

1. பாபிலோனிய, அசிரிய, எகிப்து, ரோமானிய, கிரேக்க ஆண்- உறுப்பு மற்றும் பெண்-உறுப்பு வழிபாடு, இந்திய முறையுடன் ஒப்பீடு செய்யமுடியாது.
2. ஜைன திகம்பர தாக்கம், நிர்வாண சிற்பங்கள் அமைப்பு முதலியவற்றை வைத்து, கிரேக்கர் மீதான ஜைன தாக்கத்தை அறியலாம்.
3. ஆண்குறிக்கு கிரேக்க மற்றும் கிரேக்க மின்னோடி நாகரிகங்கள் கொடுத்த முக்கியத்துவம் பிரமிக்க வைக்கிறது, ஜைனத்துடன் ஒத்து வருகிறது.
4. டெலோஸ் கோவிலில் ஆண்குறி அளவு பெரிதாக இருந்து, பிறகு குறைகிறது. ஜைனத்தில், இடைக்காலத்திற்கு பிறகு, சிற்பத்தின் அளவே பெரிதாகிறது.
5. ஜைனதாக்கம் கிரேக்கத்தில் காணும்போது, பழங்கால இந்தியாவில், அவர்களது தாக்கம் மறைகிறது.
6. இடைக்காலத்தில், ஜைனர்களின் தாக்கம் மறுபடியும் இந்தியாவில் அதிகமாகும் போது, கிரேக்க நாகரிகம் ஏற்கெனவே மறைந்து விடுகிறது.
7. ஆனால், கிருத்துவம் வளர ஆரம்பிக்கிறது, அதில் அதே நிர்வாண சின்னங்கள் தகவமைத்துக் கொள்ளப்படுகின்றணா.
8. மேரி – பாபிலோனிய, அசிரிய, எகிப்து, ரோமானிய, கிரேக்க உருவங்களில் பலவாறு தோற்றமளித்து, சித்திரங்களில், சிற்பங்களில் மாறுபடுகிறாள்.
9. ஆனால், ஏசு, கிருஸ்து, ஏசுகிருஸ்து உருவம் நிலையற்றதாகி, குழப்பமடைகிறது.
10. ஆண்-பெண் இணைப்புகளில், கலவைகளில், குழப்பங்களில், திரியேகத்துவம் முதலியவை நுழைக்கப்படுகின்றன.

© வேதபிரகாஷ்

29-08-2016

[1]  Donald A Mackanzie, Pre-Christian Buddhism in Great Britain and Ireland,  Blackie and Son Ltd, 1928.

[2] Stoneman, Richard. “Naked philosophers: the Brahmans in the Alexander historians and the Alexander Romance.” The Journal of Hellenic Studies 115 (1995): 99-114.

[3] Roth, Gustav. “Aniconic and Iconic Tendencies in Jainism, Judaism and Christianity.” Studies in Art and Archaeology of Bihar and Bengal (1989): 1888-1988.

[4] Poliakoff, Michael. “” THEY SHOULD COVER THEIR SHAME”: ATTITUDES TOWARD NUDITY IN GRECO-ROMAN JUDAISM.” Source: Notes in the History of Art 12.2 (1993): 56-62

[5] http://www.medievalbadges.org/mb_insignes_UK.html

[6] Sebastiaan Ostkamp, The world upside down. Secular badges and the iconography of the Late Medieval Period: ordinary pins with multiple meanings, Journal of Archaeology in the Low Countries 1-2 (November 2009)

 

கிரேக்கரின் ஆண்குறி-பெண்குறி வழிப்பாடுகளின் பின்னணியில் உள்ள உண்மைகள்

கிரேக்கரின் ஆண்குறி-பெண்குறி வழிப்பாடுகளின்  பின்னணியில் உள்ள உண்மைகள்

நிர்வாணம், துறந்த நிலை, ஆடை அணிந்த நிலை: அப்ரோடைட்ஸ் (Aphrodites) செக்ஸின் கடவுள்.  “aphrodisiasic” என்றால் காமத்தைத் தூண்டி உடலுறவு கொள்ளச் செய்யும் காம-இச்சை (veneral, producing veneral desire). வீனஸ் (Venus) என்ற பெண்கடவுள் குறிக்கப்படும். இதிலிருந்து பல சொற்கள் பெறப்படும், அவையெல்லாம் செக்ஸ் சம்பந்தமாகவே இருக்கும். மொஹம்மது வீனஸை முதலில் வழிபட்டுவந்தார் என்பது கவனிக்கத் தக்கது. இவ்வாறு கிரேக்கர்கள் நிர்வாணத்துடன் அறிவிஜீவிகளாக இருந்ததை இந்தியர்களுக்குச் சொல்வதில்லை. ஆனால், நிர்வாண கிரேக்கர்களிடமிருந்து ஆடைக்கட்டிய இந்தியர்கள் எல்லா கலை-விஞ்ஞானங்களையும் காப்பி அடித்தனர் என்று எழுதிகின்றனர்! ஆகவே, நிர்வாண உலகில், ஆண்குறி-பெண்குறி அவர்களது நினைவுகளை ஆக்கரமித்து, சித்திரங்களாக, சிற்பங்களாக மாறியது வியப்பில்லை. அவர்களைப் பொறுத்த வரைக்கும் உடலியல் மற்றும் ஆன்மீகவியல் ரீதியில் வித்தியாசம் பார்த்ததாகத் தெரியவில்லை. ஆனால், கிருத்துவம் திணிக்கப்பட்ட பிறகு, அத்தகைய “நிர்வாணம்” வேறு விதமாகத் தோன்றியது மர்மமில்லை, ஏனெனில், அவை தமது இறையியலை பாதித்தனால் மறைக்க ஆரம்பித்தனர். அத்தகைய மறைப்பு வேலைகள் தாம் அழிவு வேலைகளில் நிறைவேறியது. பாம்பேயில் அகழ்வாய்வின் போது அத்தகைய பல சிற்பங்கள் உடைந்திருந்ததாக அறிவிக்கப்பட்டது. ஆண்குறிகள் இரண்டு விரைகள் கூடிய சிற்பங்கள் மேடைமீது பிரதானமாக வைக்கப்பட்டிருந்தன.

திகம்பர கோவில், சிற்பங்கள் முதலியவற்றை உண்டாக்கியவர்கள் கிரேக்கரா, கிரேக்கரின் முன்னோடிகளா அல்லது திகம்பர ஜைனர்களா?: டெலோஸ் என்ற இடத்தில் உடைந்த நிலையில் இருந்த அவை “விசித்திரமான சிற்பங்கள்” எனக் குறிப்பிடப் பட்டன. கிரேக்கத் தீவுகளில் ஒன்று ரெலோஸ் [Delos] இங்கு அகழ்வாய்வில் பல சிற்பங்கள் கிடைத்துள்ளன. இங்கு ஸ்டோய்வடியோன் [Stoivadeion] என்ற கோவில் உள்ளது. இது டையோனிசியஸ் [ Dionysus] என்ற கடவுளுக்கு நிறுவப்பட்டது. இக்கோவிலின் இரண்டு பக்கங்களிலும் பாபோசிலெனோய் [Paposilenoi] என்ற இருவரின் சிலைகள் காணப்படுகின்றன. இருபக்கங்களிலும் உள்ள உயர்ந்த இரு தூண்களின் மீது, பெரிய ஆண்குறி சிற்பங்கள் செதுக்கப்பட்டுள்ளன. ஆனால், அவை உடைந்த நிலையில் காணப்படுகின்றன. பீடத்தின் நான்கு பக்கங்களிலும் சிற்பங்கள் செதுக்கப்பட்டுள்ளன. இவ்வாறு நிர்வாண கோவில், பெரிய அளவில், ஆண்குறி முதலியவையெல்லாம், அம்மக்கள் அவற்றிற்கு எந்த அளவுக்கு முக்கியத்துவம் கொடுத்தார்கள் என்பதைக் காட்டுகிறது. அக்கோவில், சிற்பங்கள் முதலியவற்றை உண்டாக்கியவர்கள் கிரேக்கரா, கிரேக்கரின் முன்னோடிகளா அல்லது திகம்பர ஜைனர்களா?

கிருத்துவத்தால் கிரேக்க ஆதாரங்கள் அழிக்கப்பட்டனவா?: கிரேக்கத்திலிருந்து பைபிள், தத்துவங்கள் முதலியப் பெற்று இறையியலை வளர்த்து அவ்வாறே அவர்கள் கடவுளர்களையும் தமதாக மாற்றிக் கொண்டதால், பிற்பாடு, ஏசு, மேரி முதலியோர் நிர்வாணமாக இருந்தது பயத்தை உண்டாக்கியது. ஆகையால் தான் அத்தகைய சிற்பங்கள் அழிக்கப்பட்டன. மாற்றமுடியும் என்ற நிலையில் உள்ளவை மாற்றப்பட்டன. அதாவது, உடைகள் உடுத்தியிருந்தது மாதிரி செதுக்கப்பட்டன; நிர்வாண ஓவியங்களில் அவற்றை மறைத்து தீட்டப்பட்டன. இருப்பினும் “டின்டின்னாபுலா” (tintinnanabula) என்ற உலோகத்தால் செய்யப்பட்ட தொங்கும் மணிகள் அப்பட்டமாக ஆண்குறியை பிரதானமாக வைத்து வார்க்கப்பட்டது தெரிகின்றது. ஆண்குறியை மெல்லிய சங்கிலி தாங்குகிறது; அதிலிருந்து மணிகள் தொங்குகின்றன; ஆண்குறியே மீன், சிங்கம் மற்ற விலங்குகளின் பின்பகுதி உருவம் (இரண்டு கால், ஒரு வால்) கொண்டு,
முன்பகுதி ஆண்குறியாக உள்ளது; அல்லது, ஒரு மனித ஒருவமே தொங்கவிடப்பட்டு, அவனது ஆண்குறி பெரிதாக செய்யப்பட்டு அதிலிருந்து மணிகள் தொங்கவிடப்பட்ட நிலை; இதைத் தவிர வாயினுள் உள்ளது மாறிய ஆண்குறிகள் (அவை முகமூடிகள் எனக் குறிப்பிடப்படுகின்றன);

பிரியாபுஸின் திகைக்க வைக்கும் ஆண்குறி: பிறகு “பிரியாபுஸ்” (Priapus) பற்றி சொல்லவே வேண்டாம். மற்ற கிரேக்க சிற்பங்களுக்கும், இதற்கும் உள்ள ஒரே வித்தியாசம் என்னவென்றால், மற்ற சிற்பங்களில் (கடவுளர்களின் சிற்பங்களேயானாலும்) ஆண்குறி இயற்கையான அளவில் செதுக்கப் பட்டிருக்கும், ஆனால், “பிரியாபுஸ்” சிற்பத்தில் பெரிதாக / அளவிற்கு அதிகமான பரிமாணத்தில் இருக்கும், பிரதானமாகச் செதுக்கப்பட்டிருக்கும்! அதே மாதிரி மெர்குரியின் சிற்பங்களும் உள்ளது ஆச்சரியமாக உள்ளது. மெர்குரி “கடவுளர்களின் தூதுவன்” என கருதப்படுகிறான். இச்சிற்பங்கள் சுட்டமண், உலோகங்களினால் செய்யப்பட்டவை. இவற்றை போர்கியா, நேப்பிள்ஸ், லௌரே, பாம்பேய் முதலிய மியூஸியங்களில் / அருங்காட்சியகங்களில் காணலாம்!

ஜைனத்தில் நிர்வாண சந்நியாசிகள் உருவானது எப்படி?: . ஜைனர்களில் சித்தாந்த ரீதியில் பிணக்கு வந்தபோது, அவர்கள் “திகம்பரர்கள்” (ஆடை அணியாதவர்கள், நிர்வாணிகள்) மற்றும் “ஸ்வேதம்பரர்கள்” (ஆடை அணிந்தவர்கள், அதாவது வெளையாடை தரித்தவர்கள்) என்று இரண்டாகப் பிரிந்தனர். இங்கு போராடும் சத்திரியர்களின் நிலை தான் அவர்களைப் பிரிய வைத்தது. முழு அஹிம்சை வேண்டும் அல்லது வேண்டாம் என்ற வாதம் வந்தபோது, ஆடைகூட அஹிம்சைக்கு வழிவகுக்கும், எனவே, அதையும் துறக்க வேண்டும் என்ற உறுதியுடன், திகம்பரர்கள் முடிவு செய்து, அவ்வாறே வாழ ஆரம்பித்தனர். நிர்வாணமே எங்களது ஆடை என்று திகம்பரர்கள் பெருமையாக துறந்து வாழ்ந்தனர். அஹிம்சையை விரும்பி, போரை எதிர்க்கும் பண்பைக் கொண்டவர்கள்.

கிரேக்கர்களின் மூலம்: மஹாபாரத யுத்தத்திற்குப் பிறகு, பங்கு கொண்ட சத்திரியர்கள், வீரர்கள் பலதிசைகளில் செல்ல நேர்ந்தது. 3102 BCE காலத்தில் துவாரகா பகுதி மூழ்கி, சுற்றியுள்ள பகுதிகளில் சேதங்கள் நிகழ்ந்துள்ளன. அதனால், அவர்கள், செல்ல வேண்டிய இடத்திற்கு பதிலாக, வேறு இடங்களில் கூட சென்று தங்கி விட்டனர். கிரேக்கர்களின் மூலம் அயோனியர்களிடமிருந்து பெறப்படுகிறது. இவர்கள் எல்லோருமே “பாதை மாறிய சத்திரியர்கள்” (degraded Khastriyas) என்றே, இந்திய புராணங்கள் குறிப்பிடுகின்றன. எட்வொர்ட் பொகோக் (Edward Pockoke)[1], ஜே. பி. பூரி (J. B. Bury) போன்ற சரித்திராசிரியர்கள் இதனை எடுத்துக் காட்டியுள்ளனர் கிரேக்கர்களும் ஜைனர்களைப் போன்ற நிர்வாண கொள்கையினைக் கொண்டிருந்தனர், அதனைத்தான் தமது கலையில் வெளிப்படுத்தினர் என்று எடுத்துக் காட்டப்படுகிறது[2]. இப்பொழுதும், அப்பகுதிகளில் இருந்த நிர்வாண சந்நியாசிகள் பௌத்தர்களா, ஜைனர்களா, என்ற குழப்பவாதம் நீடித்து வருகின்றது[3]. கிரேக்கத்தில் ஒரு சிரமணாச்சாரியாரின் கல்லறை கண்டு பிடிக்கப்பட்டது என்ற செய்தி வந்தபோதும், அவர் பௌத்தரா அல்லது ஜைனரா என்ற விவாதம் ஏற்பட்டது.

கிரேக்கர்கள் கிழக்கிலிருந்து, மேற்கு திசைக்குச் சென்று குடியேறிய மக்கள்: கிரேக்கர்கள் யார் என்று ஆராய்ந்தவர்கள் அவர்களை பலவாறு குறிப்பிடுகின்றனர். குறிப்பிட்ட இடத்திலிருந்து வந்திருக்கலாம் என்ற ரீதியில், அயோனியன் கிரேக்கர் [Ionians], மைசீனியன் கிரேக்கர் [Mycenaean Greeks], மைனோயன் கிரேக்கர் [Minoan civilization], டோரியன் கிரேக்கர் [Dorians], ஏலியன் கிரேக்கர் [Aeolians], அகியன் கிரேக்கர் [Achaeans], இட்ருஸ்கன் கிரேக்கர் [Etruscans, 768 BC–264 BC] என்றெல்லாம் குறிப்பிடுகின்றனர். இதில், அயோனியர் என்பது யவனர் என்ற இந்தியமொழி பிரயோகத்துடன் ஒத்து வருகிறது. மேலும், கிரேக்கரே, தாங்கள் மற்றும் தங்களது மூதாதையர் கிழக்கிலிருந்து வந்தார்கள் என்று சொல்லிக் கொண்டார்கள். அதாவது, “பாதை மாறிய சத்திரியர்கள்” (degraded Khastriyas), ஜைனர்கள் என்ற முறையிகல் வந்து குடியேறி, நாளடைவில், சுற்றுப்புற சூழ்நிலைகளுக்கு ஏற்ற்படி மாறியிருக்கலாம். மேலும், குறிப்பிட்ட குழுக்களின் சரித்திர காலம், கிரேக்கர்களுக்கு முன்னர் செல்கிறது. 3102  BCE முதல் சுமார் 1000 BCE லாம் வரை என்ன நடந்தது, என்று சரித்திராசிரியர்களும் எழுதி வைக்கவில்லை.

© வேதபிரகாஷ்

29-08-2016

[1] Pococke, Edward. India in Greece; Or, Truth in Mythology... Griffin, 1856.

[2] Bonfante, Larissa. “Nudity as a costume in classical art.” American Journal of Archaeology (1989): 543-570.

[3] Halkias, Georgios T. “The Self-immolation of Kalanos and other Luminous Encounters Among Greeks and Indian Buddhists in the Hellenistic World.”Journal of the Oxford Centre for Buddhist Studies 8 (2015).

கிரேக்க நிர்வாணத்தின் மூலம் என்ன – தானாகவே தோன்றியதா அல்லது திகம்பர ஜைனத்தின் தாக்கம் உள்ளதா?

கிரேக்க நிர்வாணத்தின் மூலம் என்ன – தானாகவே தோன்றியதா அல்லது திகம்பர ஜைனத்தின் தாக்கம் உள்ளதா?

திருமணத்திற்கு வெளியில் செக்ஸ் வைத்துக் கொள்வது:  ஐரோப்பிய நாடுகளில், கிருத்துவம் பலாத்காரமாகத் திணிப்பதற்கு முன்பு, மக்கள் இல்லறம் மற்றும் இல்லறம் அற்ற வாழ்க்கையினைப் பற்றி நன்றாகவே தெரிந்து வைத்திருந்தனர். அனால் “இல்லறம்” என்ற நிலை, அங்கு தட்பவெப்பக் காரணிகளால் மாறுபட்டு இருந்தன. அதாவது “வீட்டு தர்மம்” என்று அவர்கள் பெரிதாக எதையும் வைத்துக் கொள்ளவில்லை. திருமணத்திற்கு வெளியில் செக்ஸ் வைத்துக் கொள்வது அசாதாரணமான நிகழ்வாகக் கருதப் பட்டது இல்லை. அத்தகை நிலையில் தங்களது எண்ணப்பதிவுகள் கவிதையாக, சித்திரமாக, சிற்பமாக வெளிப்பட்டபோது, அதன் தாக்கங்கள் வெளிப்படையாகவே இருந்தன. கிரேக்க- ரோமானிய நாகரிகங்கள், தாம் அழிந்தாலும், தமது எஞ்சிய சின்னங்களிலும், அகழ்வாய்வு அத்தாட்சிகளிலும் அத்தகைய விவரங்கள் பதிந்து கிடப்பதன் மூலம் அறியலாம்.

சொல்லமுடியாத செக்ஸ் கவிதைகள்: டெக்ளி அகஸ்தாலிக்கு (இத்தாலியில்) செல்லும் வழியில் பாம்பேயில் (Pompei, via Deglki Augustali) உள்ள ஒருவீட்டின் சுவரில் ஆண்குறி சிற்பம் காணப்படுகிறது. இது எதோ ஒரு காக்கும் சின்னம் மாதிரி சதுரம், செவ்வகம் மற்ற வீடு போன்ற வடிவங்களின் நடுவே காணப்படுகின்றது. ஒரு ஆண்குறி-இரு விரைகளுடன் “Hic habitat felicitas” என்ற சொற்களுடன் காணப்படுகிறது[1]. இத்தாலி மொழியிலுள்ள அத்தகைய இலக்கியத்தை சொல்லுக்குச் சொல் மொழிபெயர்த்து எந்த ஆசிரியரும் தமது மாணவனுக்கு விளக்க முடியாத அளவிற்கு அந்த காமக்கவிதைகள் இருந்தன. ஓவிட் (Ovid) மற்றும் லூஸியன் (Lucian) போன்றவர்களின் அத்தகைய கவிதைகள் அலசப்பட்டன. பல “காமலீலைகள் புரியும் முறைகள்” என்ற செயல்முறை புத்தகங்களும் (Sex Manuals) விவரமான படங்களுடன் இருந்தன. உதாரணத்திற்கு பாக்ஸமோஸ் என்பவரின், “காதல் செயல்களில் 12 வகையான கலைகள்” (Twelve Arts of the actions of Love by Paxamos). தூண்டுதல் முறைகள், நிலைகள் முதலியனவற்றை விளக்கும் ஓவிடின் “அர்ஸ் அமதோரியா” (Ars Amatoria) போன்ற துணைபாட நூல்களும் (guides) இருந்தன. ஆனால், இந்நூல்கள் எல்லாம் அழிக்கப்பட்டு விட்டன என்று மேனாட்டு ஆராய்ச்சியாளர்கள்[2] எடுத்துக் காட்டுகின்றனர்!

கிரேக்கர் ஏன் நிர்வாணமாக வாழ்ந்தனர்?: கிரேக்க நாகரிகத்தைப் புகழ்ந்து எழுதி, இந்தியர்களின் மீது திணித்து, இந்தியர்களும் அவ்வாறே அவர்களைப் பற்றி கருத்துருவாக்கம் செய்து கொண்டு, ஆஹா, கிரேக்கர்களுக்குத் தான் என்ன அறிவு, இந்தியர்கள் அவர்களிடமிருந்து கலைகள், விஞ்ஞானங்களைக் காப்பி அடித்து, திருடி பிறகு தான் தனது ஞானத்தைப் பெருக்கிக் கொண்டனர், என்றெல்லாம் இன்று வரை எழுதி வருகின்றனர். ஆனால், ஒரு கிரேக்க மாணவனுக்கே, கிரேக்க விளையாட்டு வீரர்கள் ஏன் அம்மணமாக ஓடினர், விளையாடினர் அல்லது தத்துவ ஞானிகளும் அவ்வாறே இருந்தனர், உரையாடினர், விவாதித்தனர் என்று சரித்திரத்தைச் சொன்னால், புரியாது முழிப்பான் அல்லது வெட்கப்படுவான் அல்லது அத்தகைய நிலை இன்று இருந்தால் எப்படியிருக்கும் என்று நினைத்துப் பார்ப்பான்[3].

கிரேக்கரின் நிர்வாணம் காட்டுவது என்ன?: அதுமட்டுமன்றி அவர்கள் குளிப்பதும் வெளிப்படையாகவே வெளியிடங்களில் குளித்தனர்! ஆர்கிமெடிஸ் குளித்துக் கொண்டிருந்தப்போது, உண்மையைக் கண்டுபிடித்ததால், நிர்வாணாமாக தெருவில் ஓடினார்[4] என்று படித்தது ஞாபகத்தில் இருக்கலாம். ஆனால், அவர் ஏன் நிர்வாணாமாக ஓடினார் என்று ஆரும் கேட்டிருக்க மாட்டார்கள்! நிர்வாணத்தைக் கடைப்பிடிப்பவர்கள் நிர்வாணமாகத்தானே ஓடுவார்கள்? ஆண்களின் நிர்வாணம் (male nudity) மட்டுமன்றி, பெண்களின் நிர்வாணமும் (female nudity) வித்தியாசமாக எடுத்துக் கொள்ளப்படவில்லை.  மூன்றாம் நூற்றாண்டு BCE அளவில், இந்நிலை ஏற்பட்டது. மேலும் இன்று சிம்போசியம் (Symposium), ஜிம்னேஸியம் (Gymnasium), ஜைனேஸியம் (gynaecium) என்றெல்லாம் குறிப்பிட்டால், ஆஹா, இதெல்லாம் அறிவுஜீவிகள் விஷயம் போன்றுள்ளனவே என்று இன்று நினைக்கலாம். ஆனால், இவற்றில் கலந்து கொள்பவர்கள் நிர்வாணமாக இருந்தனர் என்ற உண்மையினைச் சொன்னால், அவ்வாறு இன்று அத்தகைய நிகழ்ச்சிகள் நடத்தப் படுமா என்ற கேள்வி எழும்! ஜிம்னோ (gymno) என்ற கிரேக்கக்கூறு ஜும்னோஸ் (jumnos) என்றாகி அம்மணம், நிர்வாணம், உடையில்லாத நிலை, என்ற பொருளில் வரும். இதைப் பற்றி அலசும் படிப்பு / தத்துவம் ஜிம்னோசோஃபி (Gymnosophy) எனப்படும்.  எனவே, இதுவும் கிரேக்கர்களின் மூலம் ஜைனத்திலிருந்து தான் வந்தது என்று தெரிகிறது.

OLYMPUS DIGITAL CAMERA

அலெக்சாந்தரும், நிர்வாண சந்நியாசிகளும்: “ஜிம்னோபிஸ்ட்”டுகள் (gymnophists) என்றால் ஆடையின்றி திரிபவர், முற்றும் துறந்த சந்நியாசிகள் என்று அறியப் படுகின்றனர். அலெக்ஸ்சாந்தர் “இந்தியாவிற்கு” வந்தபோது, இத்தகைய நிர்வாண சாமியார்களப் பார்த்ததும் “அலேக்காக”த் தூக்கிக் கொண்டு சென்று விட்டான் என்று நமக்குச் சொல்லப்படுகிறது! இதன் பின்னணியை இந்தியர்கள் நிச்சயம் அறிய வேண்டும்.

1. அலெக்ஸ்சாந்தர் மற்ற கிரேக்கர்கள் எப்படி நிர்வாணமான குதிரைகளின் மீது ஓட்டிக் கொண்டு வந்தனர்?
2. அவர்களும் நிர்வாணமாக இருந்தனரா இல்லையா?
3. அலெக்ஸ்சாந்தர் “ஓரினச்சேர்க்கையாளன்” என்பதனால் நிர்வாண சாமியார்களப் பார்த்ததும் “அலேக்காக”த் தூக்கிக் கொண்டு சென்று விட்டானா?
4. அவன் பல பெண்களுடன் உறவு வைத்திருந்ததன் மர்மம் என்ன?
5. தாயுடனே சம்பந்தப் படுத்தும் விவரங்களும் உண்டு. அதன் மர்மம் என்ன?
6. எப்படி, ஏன் அவன் “கடவுளாக்க”ப் பட்டான்?
7. இதை எல்லாவற்றையும் விட, கிரேக்கர்கள் நிர்வாண வாழ்க்கை நடத்திக் கொண்டிருக்கும் போது, திடீரென்று, எப்பொழுது ஆடை அணிய ஆரம்பித்தனர்?

இந்த கேள்விகளுக்கு பதில்களைப் பெற்றால், பல உண்மைகள் வெளிவரும். இதைத் தவிர, அவன் “இந்தியாவிற்கு” வரவில்லை, தோற்று ஓடி, போகும் வழியிலேயே மாண்டுவிட்டான் என்பதேல்லாம் இங்கு விவரித்தால் பெருகும்[5]. சமீபத்தில் வந்த அலெக்ஸ்சாந்தர் படம் இவ்விவரங்களைக் கொண்டிருந்ததால், கிரேக்க மக்கள் எதிர்த்தனர்.

நிர்வாண கூட்டம், பேச்சு, ஆட்டம், பாட்டம் முதலியன: சிம்போசியம் (Symposium) என்றால் இரவு உணவிற்குப் பிறகு பேசிக்கொண்டும், பாடிக்கொண்டும், ஆடிக்கொண்டும் குடிக்கும் வழக்கம் / விழா ஆகும் (ancient Greek after-dinner drinking-party with music, dancers; or conversation – OED, 1931, p.1240). சுருக்கமாகச் சொல்வதென்றால் “இரவு தண்ணிப் பார்ட்டி”. பிறகுதான், தத்துவம் பொன்ற விஷயங்கள் அலசப்பட்ட இடம் என்று மரியாதையான் பொருள் புகுத்தப் பட்டது! (இன்றும் அதுதான் நடக்கிறது என்பது வேறு விஷயம்). ஜிம்னேஸியம் (Gymnasium) என்றால் உடற்பயிற்ச்சிக் கூடம். இங்கும் கிரேக்கர்கள் நிர்வாணமாகத்தான் பங்கு கொள்வர். உதாரணத்திற்கு Palaestra scene என்ற சிற்பத்தைப் பார்க்கவும்[6]. கிரேக்கக் கடவுளர்கள் – ஆண்-பெண், இருபாலரும் மிகவும் அதிகமாக, தாராளமாக மற்றும் அளவிற்கு மீறிய செக்ஸ் வாழ்க்கையில் ஈடுபட்டனர் என்று கிரேக்க இலக்கியங்கள் கூறுகின்றன. அதனால், அவர்களது சிற்பங்களும் தாராளமாக அவ்வாறே வடிக்கப்பட்டன[7].

© வேதபிரகாஷ்

29-08-2016

[1] David Mountfield, Greek and Roman Erotica, Miller Graphics, Italy, 1982, ப.72.

[2] David Mountfield, Greek and Roman Erotica, Miller Graphics, Italy, 1982, ப.5.

[3] John Mouratidis, Associate Professor of Physical Education, “The Origin of Nudity in Greek Athletics“, Journal of Sport History, Vol. 12, No. 3 (Winter, 1985). For full text, see at:
http://www.la84foundation.org/SportsLibrary/JSH/JSH1985/JSH1203/jsh1203b.pdf

[4] The naked Archimedes (c 287-212 BC) running through the streets of Syracuse.

[5] K. V. Ramakrishna Rao, The Truth about Alexander, http://www.hinduwebsite.com/history/alexander.asp
…………………………….., The Myth, Romance and Historicity of Alexander and their alleged influence on India, http://www.hinduwebsite.com/history/research/alexandermyth.asp

[6] C.E. Robinson, Everyday life in Ancient Greece, Oxford at Clarendon, UK, 1936, p.112

[7] நிர்வாண “ஜேயஸ்”யை இங்கு பார்க்கலாம்: Zeus from Artemisium (c.5th cent. BCE) Robert Graves (Int.), Larousse Encyclopedia of Mythology, Paul Hamlyn, London, 1964, p.104; Apollo, Ibid.p.120; Artemes of Ephesus – Goddesses of fertility showing many breasts, Ibid, p.129. ; Hermes, Ibid.133; Head of Aphrodite, Ibid, p.143, p.144, p.145; Eros and Psyche, Ibid, p.147; Eros,Ibid, p.148; Poseiden, p.150; Three Graces p.150; Attis, p.170 உடையணிந்திருந்தாலும், நடுபகுதியை விலக்கி ஆண்குறியைக்காட்டும் நிலை; Hercules p.190;  இலை மாதிரி ஒன்று செய்யப்பட்டு ஆண்குறி மறைக்கப்பட்டுள்ளது. 131 முழு நிர்வாணம் Castor and Pollux p.227